Kombaa e Kaakirimaa e Kunkure Jaaliba
dhee maaje heeway banka fanka dhe juritaa

Hidhe heewa haa piya fondu, ndungu dhe lumbiree

dhee laadhe leddhe lesaadhe haa tuma heltataa.

Baafin e Teene ko dhin nde fottoyi innetee

Senegaaliwol, ngol yarna leydhe , dhi bheebhataa.

Baaroo e Miloo Nyandan e Tenkiso Jaaliba
dhii fotti woni Niizer si yaari ka yaarataa.

Nyaani e Sankarani e Maafu e Maakonaa
dhee fow ko maaje Leydi Gine dhee yarnataa.

Saala e Wesegele lintu Kookulo Toomini
ko wanni Kiyommaa andu dhii fow bheebhataa.

Baafin e Batala Dimrna Dombele djanto dhii dhoo fow

no yarnude Leydi Gine ndin yarnitaa.

Kaakandi Faatala Woosu dhii lintu dhun kadi
dhii dhoo ko seedha ko lintudhaa woo lannataa.

Dhee jurdhe majji no moyyhinee baaraasi

fii yaltinde kuuran jalbinaydho ko rotthataa.

Dhee maaje yarnay Leydhe yarnay yimbhe men

liyyhi no jolda yhawra bhe aamataa.

Kuuran ko huutortee e fii golleeji fow
paasay defay poodhay dunyay suuday fotaa.

Dunkiiji yaajudhi dhin no takkii maaje dhen

gaanin e gadha hino jokki haa ka dhe hattataa.

Jooman tagii dhii yo en remu dhii tuten

haanaa ka atthen dhii walta dhi funnataa.

Soppen remen maarooji aawen piiji fow

tutoren banaana e leddhe dhen rima junnitaa.

 

Wallafuyee Thierno Abdourahmane Bah