Mi dho yubbha dhoo me sifoo tagoodi leydi men  tagiraa
ko neema mo Alla okki mo lannataa.

Si a ebbhidii ndi e leydi goo, a yiay kisan bhurdal njanal
nhaldha, tawa Gine bontata.

Hino woodi leydhe dhe funnataa ko remaa e mun;            
die saayhata, ko nguleendi tun hara bhuubhataa

Kaakun a yiata, ma kudhun, thangol alaa;
jangol alaa, ko kenii e njaare ndi funnataa.

Taskii buruuji ka leddhe widdii wayta dhun,
ko nde tholli fonti gabiiji mun tuma wiirataa.

Ley madji on hino nibbhi pit hidhi fonti dhee

thuddaje majji, no suddi leydi ndi yortataa.

Dhun dhon no woni sabu nyolnugol ndii leydi men; hi ndi yhuufa
bhawla ko aawudhaa wo tundataa.

Ma leddhe towudhe moyle, fewudhe jundi dhen, thappandhe
jowi sogonaji gorko mo fandhataa.

Dhen dhon no soppee, huutoree fii darnugol, ma taabe,
julle, marirdhe piiji, nde fetthitaa.

No hebhoo e mun kadi leddhe yordhe ko iwloree,
defiree, mo lintii nafaaji madje o gaynataa!

Wallafuyee Thierno Abdourahmane Bah