Ngaynaako me'n ko ngaluuji meedhen hippanii
himo orna jannya gureele makko o  aamataa.

Lasliiji nai me'n dhin ko Ndaama dhi innetee
hidhi moyyhi awdi mo faggitii dhi o waasataa.

Nai Leydi men ko beteeji yaawudhi dhuudhugol,
woritoojidhin ko ka lebbi jeedhidhi tumbata.

No keriije waalori  jooma nai en hawtitay,
bhe nabhay wurooji bhe artataa haa dhabbitaa.

Bhe tefay ka geenal dhuudhi woo hibhe hamma ton
nai mabbhe aynee nyaama haara, dhi foyhataa.

Tuma lebbi tati woo timmi naidhin meedhinee
mondeeji dhin, dhi hoyhee dhi hara dhi domataa.

Hibhe sabbitoo dhi bhe jabbhitoo dhi bhe aynitay
tebhugol dhii kooti e aynugol dhi nde janyhitaa.

Si bhe yiiru ngen tigi anthagol bhee siray kisan
thebhe maa dhadheeli bhee yarna tun ngen ndikkita.

Dhii nyalbi ketthi bhee darnanay dhi bhe nyappa dhon
thuuroy bhe weyyhita haako fii ka dhi waalata.

Hibhe yiirri dhii wano bhibbhe mabbhe, bhe yurminay
bhe fesay bhe wulla si won ko maayi, bhe aamataa.

 

Wallafuyee Thierno Abdourahmane Bah