Die setto dhen tuma wanthinii, fow heblanoo
remugol, e aawugol, e bhorugol soppita.

Diasugol, e sunnoygol, e sankoygol kisan,
maa wurgagol, maa duulagol fow, moobhita.

Tobho wanthinoo ila yarna dhii remuruuji fow
hara gooto yhooga, gooto juuraa, juurita.

 

Gidho an mi torikema ornu gite maa, suuynodhaa
gese maaro maa fonnyeeji sawtudhi duulitaa.

Dhi ilay, dhi jolda dhi yhawra, dhi wadha yaha-ara,
haa fewnditoo waugol, ko dhon nhari hattataa.

 

Tuma hendu dabbunde fewnditii wifugol mu’un,
gese bhendi, kala hundho saami, fow mun munthitaa.

 

Tuma fewnditii waugol, o nodda kileeji buy bhe daroo
bhe wa’a, bhe tuga e buguuji, bhe moobhita.

Fow yaabhoyee, si etee, wadhee e debeeje, maa
bootooji, maadhun mbeembee, haa tuma lowtitaa.

 

Bheynguure nden fow nyama haara bhe itta dhon
awdiiji mabbhe ko lutti kon si bhe yeeyitaa.

 

Wallafuyee Thierno Abdourahmane Bah