Nuladho, faabo'n tuma wiami:

« Bhado ka hasboore! » Tefana mi,

Hara mi hasbaaka: wallaa mi:

E jumla yaafaabhe wattaa mi,

Ka hadra Ahmadu Mahmuudu.

 

Sabu ko dhun tun hisintan mi:

Mi heewu zunubaaji haa hulmi!

Ko xawfu an tiidhi wembin mi.

Raja'u an on ko an mar'mi

Ko an yo Annabi Mahmuudu.

 

E ma mi juulay beru ko wur' mi;
Yo gabru an lonto tuma may mi;

Yo bhibbhe an huuwu ko wadhay mi

E bhaawo an ha bhe tawoyammi;

Bhe juula Ahmadu Mahmuudu.

 

Yimoore an nden ko dhoo timmi.

Ko kayre bhattor mi, ardimmi;

Ko kayre tororii mi, jeedyirmi

Yo Allah yaafo kala ko wammi,

E barki Annabi Mahmuudu.

 

O yaafoo julbhe men worbhe

O yaafoo julbhe men rewbhe

O barkina o fewna kala faybhe

Bhe jokka diina bhe wona fewbhe

E barki Annabi Mahmuudu

Wallafuyee Thierno Abdourahmane

---

---