Mantugol Nulaadho Muhammadu (1)

 

Mantugol Nulaadho Muhammadu Djon Faabo


Pular

1Hulen Ilahiya, yetten Mo,     

Yidhen Muhammadu man ten Mo,

Thierno Abdourahmane Bah.1963 Lire la suite

2Nuladho okkadho bhurnadho,

Subhadho suttadho, hoolaadho,

Thierno Abdourahmane Bah. 1963 Lire la suite

3Nde weloyano Sahababhe,

Korun tew ngawri defana bhe;

Thierno Abdourahmane Bah. 1963 Lire la suite

 

4Ferudho Makka yahi Madina.

O felli bewbhe o fenhi diina.

Thierno Abdourahmane Bah. 1963 Lire la suite

 

5Nuladho, fabo'n tuma wiami:
« Bhado ka hasboore! » Tefana mi,

Thierno Abdourahmane Bah. 1963 Lire la suite

Hulen Ilahiya, yetten Mo,     

Yidhen Muhammadu man ten Mo,

Rewen e sunnadji jokken Mo,

Yidhen mo, bhanten mo, watthen Mo,

Fariijo Ahmadu Mahmuudu,

 

Nuladho Allahu mantay mi,

E makko juulay mi hisinay mi,

Sabu ko kanko hisintan mi

Tefoowo jom faabo hoolor mi

Ko an yo Annabi Mahmuudu.

 

Danyeede makko wadhii maande!

Yiama dhon huunde haawaande,

Mu'ujiza wontandho en maande

Danyeede on ittudho fenaande

E mofte Annabi Mahmuudu!

 

Nde yiite Faarisa ngen rotthi,

Hubheere Kisra yeyhii fetthii

Nde jemma on jalbi haa deyyhi,

Nde koode dhen salmini dhe hutthii

Wiadho Annabi Mahmuudu,

 

Mo duule dhowdini tuma naange

Mo gibla mu'un woni funnaange,

Mo nuuru mu'un hewti hirnaange

Mo yeeso mu'un jalbiri wa naange

Nulaadho Ahmadu Mahmuudu!

 

Mo bhernde mu'n seekira hikmu

Nde ittana hasadu e wahmu;

Nde hebbinaa nuuru wal fahmu,

E liimanaaku e kala ilmu,

Si feenyi Annabi Mahmuudu


Wallafuyee Thierno Abdourahmane


ALT NAME

Thierno Abdourahmane Bah